LA CIUDAD DONDE LAS PIEDRAS FLORECEN. José Antonio Díaz Peromingo

De Santiago de Compostela se levan escrito centos de libros e milleiros de páxinas. Pero ningunha obra se dedicara, ata agora, a descubrir esas plantas que —emerxendo da pedra como da nada— florecen espontáneas nos muros históricos da cidade.

Esta guía móstranos como identificar e localizar as 50 plantas con flores máis representativas de once muros históricos de Compostela. Ordenada en prácticas fichas, cada unha inclúe os datos básicos da flor silvestre coa súa fotografía, as súas denominacións populares en galego e castelán, e a localización na cidade. Tamén conta cun apartado de curiosidades e un breve dicionario botánico.