Cara onde imos? Un ano nos bosques
Iniciamos as nosas recomendacións literarias con Un año en los bosques, de Sue Hubbel, unha fermosa reflexión sobre o entorno natural e as alternativas á nosa forma de vida. Unha lectura que convida a reconectar cos nosos ritmos vitais, unha celebración da vida nestes tempos nos que nos fai tanta falta celebrar.
Nestes tempos de pandemia, de confinamentos, de perimetraxes, de soidade… e a piques de rematar o ano, un plantéxase moitas cousas. Cara onde vamos? Que mundo estamos a crear? Que sentido ten todo isto? Quen somos?
Se cadra, pasar un ano no bosque nos podería axudar a atopar as respostas, a curarnos… A salvarnos?
Dicía o matemático Blaise Pascal que a maior desgraza do home (e da muller) é a súa incapacidade para estar só.
Será iso o que motivou a Sue Hubbel a explorar na natureza, na súa propia natureza durante un ano?
E se tentáramos voltar a aprender a comunicarnos e a convivir co resto dos seres vivos como fai a protagonista deste libro? E gozar da liberdade. Dos animais e das plantas temos moito que aprender, ou quizais, simplemente deberiamos lembrar o que sempre soubemos.
E se a liberdade fora ser donos e donas do noso tempo? E se a felicidade fora dispoñer de espazo, de soidade, de silencio?
Só coa presenza podemos escoitar a verdade que hai en nós. Só vivindo no Agora podemos espertar a un novo paradigma e comezar de novo. O camiño empeza agora.
Bótalle un ollo ao libro Un año en los bosques no noso Catálogo!
