o camiño empeza agora


Cada día, cada instante é un comezar. Pasámonos media vida anticipando ou preparando o que virá e outro tanto dándolle voltas ao que xa foi. Se ben é certo que o pasado ofrece alicerces e que o futuro pode inspirar, o momento no que realmente podemos actuar, no que vivimos, é aquí e agora.

E é agora cando queremos ter vivencias de calidade, conscientes, cargadas de emoción. Porque é a emoción a que queremos que presida o noso presente. E con esa idea démoslle forma  ao proxecto de ‘o camiño empeza agora’. Valoramos a emoción coa que cada artesán lle dá forma ás súas creacións, coa que cada produtor elabora os seus artigos, coa que cada escritor imaxina novos mundos.

Gústannos as persoas e queremos ofrecerlles un trato próximo, persoal. Por iso cremos no comercio local, porque ofrece unha atención ao cliente máis personalizada e cálida. Defendemos o pequeno comercio porque xera riqueza local e contribúe a facer cidade, porque sen el, a nosa Compostela perde vida e valor. Tamén apostamos por utilizar todas as tecnoloxías que temos á man para facer mellor e máis próxima a nosa oferta, sen perder nunca de vista o lugar no que nos asentamos.